சிறுவர்கள் ஆயுத மோதல்களில் ஈடுபடுத்தப்படும் நாடுகளின் பட்டியலில் இருந்து இலங்கை நீக்கப்பட்டது.

General News and news Articles / செய்திகள், செய்திக் கட்டுரைகள்

[6/12/2012 ] [cmr news bulletin ]

சிறுவர்கள் ஆயுத மோதல்களில் ஈடுபடுத்தப்படுவதன் காணரமாக, ஐக்கிய நாடுகள் அமைப்பின் டுளைவ ழக ளூயஅந பட்டியலில் சில ஆண்டுகளாக இருந்த இலங்கை, தற்போது அந்தப் பட்டியலில் இருந்து நீக்கப்பட்டுள்ளது.

ஆயுத மோதல்களில் சிறுவர்களின் நிலை குறித்துக் கடந்த ஆண்டுக்கான அறிக்கையை ஐக்கிய நாடுகள் செயலாளர் நாயகம் பான் கீ மூன் வெளியிட்டார்.

சிறுவர்களைப் படையில் சேர்ப்பதை முடிவுக்குக் கொண்டுவருவதற்கு எடுக்கவேண்டியதென ஐக்கிய நாடுகள் பாதுகாப்புச் சபை பணித்த நடவடிக்கைகளை இலங்கை நிறைவு செய்துள்ளதாக போரால் பாதிக்கப்பட்ட சிறுவர்களுக்கான ஐக்கிய நாடுகள் சிறப்புப் பிரதிநிதி ராதிகா குமாரசாமி தெரிவித்தார்.

விடுதலைப் புலிகளால் படையில் இணைக்கப்பட்ட 6905 சிறுவர்களில் 1373 பேரினது நிலை குறித்தும், ரிஎம்பிவி அமைப்பால் படையில் இணைக்கப்பட்டு இனிய பாரதி பிரிவில் இருந்ததாக கண்டறியப்பட்ட 3 சிறுவர்கள் உட்பட 5 சிறுவர்களின் நிலை குறித்தும் எதுவும் தெரியவில்லையென கடந்த ஆண்டுக்கான ஐக்கிய நாடுகள் அறிக்கை குறிப்பிடுகிறது.

இந்த விடயம் குறித்து குற்றவியல் நடவடிக்கை இடம்பெறவில்லையென அறிக்கை தெரிவிக்கிறது.

594 சிறுவர்களுக்கு புனர்வாழ்வு அளிக்கப்பட்டுள்ளதெனவும், காணாமற்போன சிறுவர்களைக் கண்டறிவதற்கு 736 விண்ணப்பங்கள் சமர்ப்பிக்கப்பட்டு, அதில் 42 பேர் குடும்பங்களுடன் இணைக்கப்பட்டுள்ளதாகவும் அறிக்கை தெரிவிக்கிறது.

ப+னகரியில் பாடசாலை ஒன்றில் இராணுவம் உள்ளதாகவும், அதனை விடவும், மக்கள் குடியமர அனுமதிக்கப்படாத பகுதிகளில் 14 பாடசாலைகளில் இராணுவம் உள்ளதாகவும் அறிக்கை குறிப்பிடுகிறது.